老鍋台式火鍋 (金馬倫道) (已結業)

成日听朋友提起呢间台式火锅，趁住今日冻冻地，一于暖下个胃。门口接待至入座非常有礼兼顺畅，座位宽阔舒适，枱面用具干净齐全。装潢陈设古式古香，摆放整齐，都几卫生。唔好讲咁多Order过尚膳养生锅先，打开个盖，非常浓厚嘅药材味涌出来，眼前嘅系人参同好多滋补药材，饮啖汤个人成个暖哂，真材实料有回甘嘅人参味。好啦！可以开始渌嘢食啦！安格斯雪花肥牛雪花平均，略略焯熟入口鲜嫩牛味几香；千张豆叶纸其实系腐竹皮，放落汤1秒再捞起，立即吸收汤汁，超级好味！墨鱼味好重嘅黑白滑，颜色靓靓食欲大增，而且非常弹牙！朋友叫我必点嘅咸蛋炸鱼皮，依然冇介绍错，好香咸蛋味，又系1秒杰作，小小咸又吸收左少少汤汁，够晒咸香惹味！有乜好得过用易吸汤汁嘅材料做火锅，白玉毛瓜双拼系白萝卜同毛瓜，仲好有心思整成蝴蝶型添！仲有仲有，点少得新竹米粉，养生汤米粉完成！食热辣辣嘅火锅最好就有冻冰冰嘅饮品啦，杭菊露、乌梅汁，两样都冰冻好味，尤其是杭菊露，饮落去好滋养舒喉。店员不时巡视客人需要加汤收碟等，都几落力，食物质素唔错，回头指数极高！