陪著你走甜品 (已結業)

行完维园年宵就想食吓甜品，同朋友吹吓水，知道天后呢边都喺美食天堂，就过嚟睇下有咩甜品舖。因为当晚𠮶𠮶都行完年宵之后嚟揾糖水食，所以间间都好多人，所以都打算是旦揾一间，而咁啱见到呢间有芋圆食，所以就俾呢间舖头吸引左过嚟。舖头其实都几多人等，不过好彩都只喺等左十五分钟，都唔算太耐，不过可能太忙喇，入到去坐低左职员都无俾menu我地，要叫左几次先拎到。见到舖头墙身都贴左一啲杂志同佢地做既访问，而其中就有介绍佢地比较特别既一个「好立克/阿华田/oreo焦糖炖蛋」，所以我就叫左个好立克既嚟试下。因为焦糖炖蛋其实已经一早做好晒放左喺雪柜，所以好快就有，不过前前后后职员都俾错左两次原味既俾我，第三次先拎到啱既。喺价钱方面，我觉得喺呢头嚟讲都唔算太贵，所有甜品都大约三十蚊或者咁上下。而食落去觉得都有好立克味道，但又唔算太浓烈，不过都几得意既，如果喺好立克既fans都可以嚟一试。