L'Eclair de Genie (已結業)

今日有人买咗Eclair嚟探我！其实之前一直都未食过法式泡芙，同时我对泡芙都无特别喜爱，原因一嚟讲起泡芙都会谂起日式先，而且觉得法式泡芙始终都系适合下午茶食（但边有咁得闲又咁神心会用下午茶sad）佢唔似糖水咁定性咗喺晚饭后食，又唔会好似蛋糕咁大众，所以佢比我嘅感觉介乎可有可无中间。不过今日一试L'Eclair de Genie嘅泡芙又几令我惊喜！一盒四只Mini Eclairs口味分别系 Blackcurrant, Salted Caramel, Vanilla Pecan & Raspberry。每一条嘅fillings都做得好饱满，毫不吝啬地注满每一吋空间，绝无偷工减料，而且好creamy唔油腻。味道亦都做到好真实，以Raspberry为例，佢真系做到红桑子酸酸甜甜，又好juicy嘅味道，唔系人造色素添加剂嘅味道，即使配合filling都唔会一味死甜，系有层次嘅口感。我亦都好想推介大家试Salted Caramel，钟意食拖肥糖嘅人一定好钟意食呢款！焦糖味好rich，海盐嘅味道更加带出个种香甜。总括L'Eclair de Genie真系做到佢强调嘅「新鲜制造」「幼滑忌廉」「玩味设计