Miss Lee (已結業)

同朋友庆祝生日，拣咗 Miss Lee。揾资料时，最初被吸引的，是它的装修，因好雅致。之后再睇餐牌，有 Chef's Signature Menu, 几好㖞，可以一次过试好多唔同的菜式。所以决定订位。餐厅外观已好吸引，入内后真的觉得唔错，有空间感，灯光柔和。感觉舒适。那天叫了2份餐，所有菜式都好有水准，名乎其实的好睇又好食。除咗装修好，食物好，服务都非常好。每上一道菜，侍应都会同你简单讲解菜式的材料。而另一样好贴心的安排，由于我叫的Menu 只有一种甜品，冇其他选择，反而第二个 Menu 有我想试的陈皮炖蛋，所以便打算额外叫一个试下。点知小姐主动话不如问下厨房可否转换，咁我哋就唔使叫，结果可以转，我就可以试齐两种甜品。食素嚟讲呢个价钱真系咁平，但值得试，因真系几好食，每道菜用心制作，物有所值的。