稻香超級漁港 (已結業)

朝早好想去饮荼，远远地都要行去稻香饮，因为真系好扺！十点半去到都唔洗等位，不过去得稻香都预左搭枱多架喇，无所谓啦，黎返壶普洱先，够晒浓，水都好够滚！首先叫左个孖宝餐，凤爪排骨饭加油生菜都系$17！ 排骨饭都几入味，饭底粒粒分明又够软，排骨都刚好够甩骨。次次黎都会叫花枝饼，但今次个面煎得唔够脆，次次食虾饺有啲闷，所以叫左贡苗饺，都几惊喜，皮系滑溜溜，入面馅好甜好多汁！不过叉肠就曳啲喇，皮厚又唔滑！牛肉就普通，无特别。以呢个价黎讲，真心好满意。