影片
更多
2009-06-20
26 浏览
同bf's daddy食生日饭, 一早就book左窗边位, 4个人对住咁靓的海景+装修+一流的服务当然食得特别开心头盘:1 bluefin tuna - bluefin tuna 煎香少少, 加上salad, 几清新, 不过d边位就煎得熟左少少2 牛仔柳伴tuna酱 - 呢个真系食到唔停得口, tuna酱好幼滑好香, 好似有加少少鹅肝, 食完d牛柳忍唔住要用面包再点黎食呀!!! 3 bufflio cheese + tomato ( 呢个系靓仔大厨知道daddy生日之后送ga! ) - 大厨今晚好有自信地行左好多个圈, 我地都请佢同我地影左张相, 当佢知道有寿星之后, 就急急脚走左入厨房, 转头waitress拎左碟水牛城芝士蕃茄俾我地, 话系大厨送ga~ 真系好好人, 佢地用的cheese 好靓, 唔太浓味, 唔会抢去其他vege的味道, 唔错~主菜 :1 宽条面Pappardelle Pomodoro - simple but delicious!!!! 真系好好味, 宽条面煮得岩岩好, 同酱夹得天衣无缝! 2 蚬肉scialatielli - 因为知道大厨系煮pasta好
头盘:
1 bluefin tuna - bluefin tuna 煎香少少, 加上salad, 几清新, 不过d边位就煎得熟左少少
2 牛仔柳伴tuna酱 - 呢个真系食到唔停得口, tuna酱好幼滑好香, 好似有加少少鹅肝, 食完d牛柳忍唔住要用面包再点黎食呀!!!
3 bufflio cheese + tomato ( 呢个系靓仔大厨知道daddy生日之后送ga! ) - 大厨今晚好有自信地行左好多个圈, 我地都请佢同我地影左张相, 当佢知道有寿星之后, 就急急脚走左入厨房, 转头waitress拎左碟水牛城芝士蕃茄俾我地, 话系大厨送ga~ 真系好好人, 佢地用的cheese 好靓, 唔太浓味, 唔会抢去其他vege的味道, 唔错~
主菜 :
1 宽条面Pappardelle Pomodoro - simple but delicious!!!! 真系好好味, 宽条面煮得岩岩好, 同酱夹得天衣无缝!
2 蚬肉scialatielli - 因为知道大厨系煮pasta好出名, 所以order多个pasta, 好好味呀!! 佢d青瓜吸晒d蚬肉的鲜味, 而scialatielli有种好特别的咸香, 配上蚬肉令人有系海中的感觉!
3 T-BONE STEAK - grill得岩岩好, medium, d肉汁锁晒系入面, 仲好嫩! 应该之前有调味, 而佢系16 oz...真系成只碟咁大! 劲呀!
要提提佢有新鲜热辣面包篮, 最爱那长长的面包, 唔知叫咩名, 不过有少少cheese味, 热食真系好好味~~ 加上Angelini提供的不是牛油亦非陈醋+olive oil, 而系grand左的香草+olive oil, 真系好好食, bf食到唔停得口!
我地730pm到, 8pm 仲睇埋个laser show~ 餐厅的气氛好好, 加上无得弹的service & food! 绝对系拍拖的好地方!
张贴
