鼎皇臭臭鍋 (已結業)

上星期行过见到金马伦道开左间臭臭锅，咁岩今日又好想食打边炉，所以一于就黎试下。呢间唔似其他臭臭锅店，叫一个锅会有埋饭俾你，要留意哟!两个人一人叫左一锅，臭臭锅同麻油鸡锅!臭臭锅一黎到就闻到果阵臭味!材料都足料呀，其实个人觉得可以唔驶再叫饭食都得，因为一个锅已经好饱! 有好多津白系底，吸哂汤既味，我连平时唔食既米血糕，今次都有尝试，唔错!D豆腐真系臭豆腐黎架，想像一下系用冇炸过既豆腐黎整，食落感觉有D怪，但其实都好食既!不过佢个Menu上话佢呢个锅有蕃茄，但个锅黎到就冇啦!另外如果佢有得拣要辣就好啦!不过佢都会有麻辣酱放系枱面俾你调味!麻油鸡锅，好清好麻油!如果想食清清地可以食呢个!味道都唔错既，D鸡都几好食!不过我忘记左影相呀...我地每人叫左两个饭，一个系卤肉饭，一个系芝麻伴葱咸鱼酱饭。个卤肉饭味道都唔错，D肉都多!芝麻伴葱咸鱼酱饭连唔中意食咸鱼既人都中意食，我相信应该都唔错既!我地仲叫左两杯冬瓜茶，味道比较淡，但好大杯!可以再试!