三點三冰室

营业中

休息中

平日食到差既餐厅，都唔想浪费时间留言，反正好快倒闭，但今次真系太差，忍唔住要提醒其他人避雷。杂扒餐啲扒炸到老晒，都仲食到雪味，差评。难得有得送热饮，其他餐大部份原价叫饮品，点知奶茶煲到好似凉茶咁苦涩，又冇奶味，侮辱咗冰室呢个名称。啲鸡翼本身细只冇肉，煮到老晒，个汁只有甜味唔香。三眼仔系列既蛋居然闻唔到有味道，炸蛋都唔香，真系唔知点先煮得到。问侍应有冇茶就只答冇，要我再问有冇水，佢先会指个方向叫我自己倒。自助攞水都正常，但佢会企喺我同水中间条窄路侧身等我过，果度两个人行要同时侧身先过到。我返位时又有另一位顾客攞水，佢仍然会企喺𠮶度，等我避开完果位顾客，再要从佢身边侧身过，一直冇考虑过离开盛水位。