串燒佬 (已結業)

因为疫情关系，又想食串烧，所以就求期揾左一间串烧，皆因太耐冇得番大陆食，呢间串烧个牌头系大陆口味，川式风味，所以胆粗粗就去买外卖试下。我叫左一条茄子，几串鸡翼同鸡软骨试下。佢有得拣大中小辣，我拣左中辣试下，都几辣下，食唔到辣既朋友都唔好叫中辣以上。等外卖既时间都几耐下，问番店员点解，原来佢地系即叫即烧，所以赶时间赶住食快餐既朋友就唔好叫喇。佢条茄子又够辣又多蒜又惹味，仲有d鸡翼可以烧到外脆内juice，真系冇得顶，估唔到真系食得番大陆川式口味，下次都会再试下其他野食。