麺屋武蔵 (MOKO新世紀廣場) (已結業)

八点几先揾食, 仲要系星期日晚, 真系好易揾位, 于是带老公食佢最钟意的拉面~ 去到基本上系得返三、四张枱, 个侍应叫我地坐近门口位, 但我地见阿姐清洁紧, 又见入面有卡位, 于是自己入去坐, 但隔咗一排先有人拎茶同menu比我地, 可能太入, 冇人见到挂? 沾汁面 (黑)落单时侍应都讲明个沾面要等耐少少, 不过最终都唔系等咗好耐, 只系比个拉面迟几分钟, 后来先估到可能就闩舖, 冇预备定啲面挂? 个面好正宗, 系有坑的粗扁面, 用嚟吸汁最啱, 因为唔系浸无热汤, 所以面质比汤面系硬少少, 当然你可以要求佢煮淋啲, 面质非常弹牙有口感, 浸完个热辣辣的黑面汁(黑蒜味), 将啲面变返热同更加有味, 个沾汁好够味, 又有啲唔会太肥的叉烧粒, 个汤浓得嚟唔会kwok喉~  豚肉片拉面 (黑)豚肉片对我地嚟讲系偏肥咗少少, 似系打边炉果款豚肉片, 系完全冇色冇味, 但当佢浸够汤时就变得好好味, 亦都好有口感, 唔会薄到冇哂质感~虽然个汤都系蒜汤, 但比沾面个汁冇咁浓味, 呢个啱我口味多啲~  子持白鱼天妇罗 其实系巨型白饭鱼, 虽然话系天妇罗, 但冇平时食天妇罗果啲咁厚炸粉, 只系轻轻沾咗粉浆