Misto Restaurant (已結業)

见阿陈总同古巨基都黎过 又有好多杂志介绍过 谂住都唔会太差啦 点知...上到去其实觉得环境都唔错 睇一睇个menu set dinner好似ok㖞 就叫左一份和牛炒意粉同埋一份黑豚猪扒....哇 个个咁既意粉 茶餐厅既干炒牛意好食过佢一百万倍 D豉油味重到你唔信 仲有个d所谓和牛先攞你命 直头好似日清cup noodle入边个d脱水牛肉咁... 大佬 虽然我系叫你个特价set啫 都唔洗叫我食馊挂......都讲紧差唔多二百蚊一份㖞...仲有份猪扒 我老婆平时唔食猪扒既 见佢话系黑豚就谂住试下 哇 靱到丫 揾人俾把chain saw我丫唔该....跟住讲下service 比食物更不堪.......问个waiter拎暧水 好似听唔明咁.....到食完哂main course喇 等左三四个字都冇人拎甜品黎 我地又唔系好记得有冇甜品跟 就谂住叫埋单啦 埋张单已经要等成两三个字 张单黎到又写住有甜品㖞 就谂住食埋先走......等甜品又等左两个字 食完再叫埋单又再要等多佢三个字 明明张单都print左出黎架啦 都要我三催四请先肯拎过黎.......我真系唔明点解咁既质素都有咁多明星帮衬 唯一原