城寨風味 (已搬遷) 新店位置

九龙城既食店真系愈黎愈多元化，今次食既系中菜，城寨风味呢个名改得几好，有九龙城既特色！食店装修得古色古香，主调系中国人最钟意既红色，充满喜庆既感觉！一入门口仲摆左个鼓，吸引唔少小朋友经过都要敲几下！虽然店内摆设充满中国风，但系播既歌竟然有流行曲同英文歌，新旧交融，真系估佢唔到！同埋店员都好年轻醒目，反应够快，招呼周到！  四川口水鸡：在座朋友唔系全部食得辣，所以叫一样辣度比较温和既四川菜作为前菜，大家可以浅尝一下！味道小辣带少少麻，唔会好刺激，辣香提升左鸡肉既鲜味，而且鸡肉都好滑，最钟意沾满花生粒食落更加香口！   红烧乳鸽：皮脆肉嫰，咬落去仲有肉汁流出添，唔会烧到干争争，非常难得，好耐冇食过咁juicy既烧乳鸽，点少少淮盐，滋味无穷！赛螃蟹伊面：平时芝士龙虾伊面食得多，伊面配赛螃蟹都几有新鲜感！估唔到又几match,滑溜既蛋白加上爽口既虾仁同带子，口感丰富，落少少陈醋令味道更有所提升，伊面底亦变得清爽，冇左一贯既油腻感！食到差唔多经理更送上蕃薯糖水，非常好客！糖水姜味十足，蕃薯软硬度煮得岩岩好！   如果要同长辈食饭或者带外国朋友食中菜，我觉得呢间餐厅真系一个唔错既选择，食物有水准，