煌苑

营业中

休息中

好多时候去酒楼食点心，我都一定会带奶黄流沙包，不过真系唔系度度都有流沙嘅奶皇包。好多时候去食，都系有一Pat奶黄酱喺个包度，就话自己流沙。但系呢一间酒楼嘅流沙奶皇包真系好出色，佢唔单止超级流沙，而且系爆出嚟㗎。材料好充足，绝无偷工减料。其他嘢都好好食，例如我最爱嘅牛肉球，佢真系有牛肉味㗎而且你会食到少少芫荽。然后有一个吸晒味嘅腐竹喺底，真系不能错过。我哋又食到佢嘅叉烧肠粉，不过就觉得好一般。佢个蜂巢芋头酥，都好唔错，不过赶住食就冇影到相。如果咁啱去石门饮茶，不妨可以试吓佢哋嘅点心，大众价钱来讲又唔算贵。