荔香園冰室 (已結業)

首先本人系第一次使用OpenRice写食评头先我打咗一大段嘢分享唔到出嚟，而家打第二次真心希望唔好再有人好似我咁有不愉快嘅体验，但系如果有人系对食物冇任何要求，食咩落肚都冇所谓应该就冇咩问题…..呢间嘢系我喺旺角午餐嘅时候见到周围都好多人排队，呢间系冇人排队咁我就直接入去，叫咗个午香肉丁炒公仔面，出嚟嘅时候卖相极差，好似面糊成pat野咁林..食落去完全冇五香肉丁味，仲要咸到食唔到..颜色系超级深啡色接近黑..好得人惊！我觉得我食完之后一定要去医院，所以我叫咗个侍应帮我换一个普通嘅公仔面，我相信公仔面唔识煮都应该唔会难食得去边…起码应该食得落肚..跟住听到一个侍应叫入边𠮶位厨师做细佬..真是令人担心…我同我男朋友叫咗一杯冻奶茶同埋冻柠茶..都系唔好饮的…类似系冇乜茶香味沟水稀稀地嘅感觉..真系非常不愉快,后尾仲法院门口贴住张报纸著名蓝带主厨主理…咁我肯定入边𠮶位唔系本人，同地狱厨神冇分别！好耐都冇中伏…