Häagen-Dazs (已結業)

晚餐食咗唔多，谂黎谂去都冇咩想再食，埋单转战甜品！热咗咁耐，好似都冇点食雪糕，于是就去咗哈根达斯。叫咗个爱琴海两份食，雪糕拣咗vanilla, 咖啡软心朱古力同冧酒提子。等咗一阵（我估系烧香蕉块焦糖所以搞咗咁耐），好靓㖞！（系咪因为叫爱琴海所以用蓝色碟？）我真系好中意咖啡软心朱古力，渗咗系里面既朱古力碎，软腍腍好好味，雪糕系口中溶化既时候，得番Ｄ朱古力系舌上似溶未溶咁，口感特别。哈根达斯被誉为系雪糕界既劳斯莱斯－－我都唔恨坐劳斯莱斯，得闲有杯哈根达斯俾我食就得啦。