潮人私房菜 (已結業)

我地一入到去, 同其他餐厅相比, 已经有不一样既, 入到去果然好有家的感觉。职员安排左房比我地, 之后佢就介绍一下餐厅既招牌菜。呢度虽然话私房菜, 但都有好多菜式比客人选择, 。我地点左几道菜, 分别系花雕蛋白蒸蟹、苹果咕噜肉、黄金四季豆同糯米鸡。花雕蛋白蒸蟹一黎到已经令我地好惊讶, 只蟹好大只, 蟹盖中都有唔少蟹膏, 蟹钳好大好多肉, 好鲜甜, 蛋白好嫩滑, 有些少花雕味, 更有浓郁蟹既鲜味, 蛋白吸收哂所有精华。边个话糯米鸡系无鸡? 呢度糯米鸡一打开就有一大只鸡, 糯米饭已经入哂味, 黏度恰度好处,粒粒分明, 而鸡肉好嫩, 两者一齐食, 更加好味!苹果咕噜肉就真系第一次试咁既配搭, 咕噜肉炸得好香脆, 仲有阵阵苹果香味, 食落酸酸甜甜几开胃, 估唔到咁既配搭都可以比佢谂到, 带比我地新鲜感, 苹果同咕噜肉都可以系埋一齐!我地都清得七七八八, 最后一定唔少得甜品!芒果布甸做成鲤鱼型, 好可爱。水塘变作花奶, 花奶好香滑, 芒果布甸入口即溶。食左咁多道菜, 最后食一道甜品画上完美既句号。呢度无论环境同菜式都比到我家既感觉, 果然系私房菜!