上海小南國 (MegaBox)

营业中

休息中

好少过嚟观塘食饭，因为喺度拣家私，顺便喺商场度食饭方便啲，以前都成日食铜锣湾𠮶间，谂住应该唔会差得去边，点知可以难食到咁。我哋点咗五个𩠌，小笼包，锅贴，外婆红烧肉，海蜇头，同埋鸡煨面。首先小笼包正正常常，冇乜特别。跟住锅贴个皮浸味怪怪地，啲肉又唔系特别好食，个红烧肉直程系差到痹，好似未煮完硬刮刮攞出嚟。个海蜇头完全无味，冇醋味冇麻油味。个上海鸡煨面系完全无味，好似好水咁，真心的好耐未食过咁差嘅嘢。难怪可以冇人到呢个地步。