韓樂 (啟田商場)

营业中

休息中

第一次新开去食晚餐嘅时候已经中哂伏个芝士炸鸡，啲鸡系冻嘅，跟住个三文鱼石头锅饭呢冇味嘅，落晒汁都冇味。唔紧要，第二次食午餐，仲衰，个海鲜部队锅面真系犀利，你攞个扁嘅会装汤面都算啦，冇味嘅又系，嗌咗两碗但好似就系用咗一包汤粉开两碗咁，跟住又话有自家制嘅泡菜喺入面，去咗边呀冇㖞两个都冇㖞，定系你想讲𠮶啲好似未煮熟嘅白菜就系泡菜啊？杯咖啡又系唔知做紧咩嘅， 个感觉就好似我用完一杯冲完咖啡嘅樽里面再装返清水饮落去一样。服务员态度差呢啲因人而异，至少我唔觉得员工需要喺人哋用膳紧嘅时候喺隔离大声倾偈。其实唔系所有嘢整落去大大碗落多啲水落多啲汁就叫好㗎可唔可以改善一下？你公司旗下嘅已经系唔算好食但可以食得落口，但我估唔到你其他嘢系更加差。