影片
更多
2021-06-11
49 浏览
今日嚟到铜锣湾朋友话想饮茶， 顺便试下呢一间探花， 咁我哋叫咗普洱同龙井试下品一品茶。 咁其实佢入面啲茶底系英记茶庄， 咁起码我觉得好过其他茶楼啲茶。 其实入面都几特别，唔似好似一般啲茶楼咁样，几特别嘅地方去食点心，咁我同朋友就叫咗以下嘅食品。西班牙红虾水晶饺: 呢个水晶饺我觉得几好食，而且颜色几鲜艳，因为佢用红菜头整， 打卡一流，另外佢嘅虾都好好食，爽口有虾嘅甜味，唔错。和牛烧卖: 其实我personally觉得个卖点唔系喺个烧卖度，反而系佢个和牛度，因为佢个和牛真系好食，大块之余亦都唔UN而且好有牛𠮶种鲜味同juicy。 当然食埋个烧卖 夹埋个和牛，点都好有特别嘅风味，就好似牛肉烧卖。 呢个我觉得一定用叫。碧绿蟹肉羹金鱼饺: 呢个都唔使讲乜嘢净系 睇相已经觉得满分， 根本就好似艺术品一样搞到我都唔系太舍得食。 呢一个就唔写太多喇，因为我觉得一定要嗌，点都要去ig打卡当然啦其实个饺系ok嘅，啲虾都爽口再加埋𠮶个汤羹好有营养，而且有菜嘅鲜味， 所以呢一个会觉得系满分。 松露片牛肝菌腐皮卷: 最钟意因为里面嘅腐皮有浓沃嘅鲜竹味， 而且夹杂住松露牛肝菌𠮶种香味， 最令我惊喜就系佢呢个腐皮唔
西班牙红虾水晶饺: 呢个水晶饺我觉得几好食，而且颜色几鲜艳，因为佢用红菜头整， 打卡一流，另外佢嘅虾都好好食，爽口有虾嘅甜味，唔错。
和牛烧卖: 其实我personally觉得个卖点唔系喺个烧卖度，反而系佢个和牛度，因为佢个和牛真系好食，大块之余亦都唔UN而且好有牛𠮶种鲜味同juicy。 当然食埋个烧卖 夹埋个和牛，点都好有特别嘅风味，就好似牛肉烧卖。 呢个我觉得一定用叫。
碧绿蟹肉羹金鱼饺: 呢个都唔使讲乜嘢净系 睇相已经觉得满分， 根本就好似艺术品一样搞到我都唔系太舍得食。 呢一个就唔写太多喇，因为我觉得一定要嗌，点都要去ig打卡当然啦其实个饺系ok嘅，啲虾都爽口再加埋𠮶个汤羹好有营养，而且有菜嘅鲜味， 所以呢一个会觉得系满分。
松露片牛肝菌腐皮卷: 最钟意因为里面嘅腐皮有浓沃嘅鲜竹味， 而且夹杂住松露牛肝菌𠮶种香味， 最令我惊喜就系佢呢个腐皮唔算厚，而且皮薄薄地， 呢个可以一试。
红虾多士: 呢个红虾多士最特别嘅地方就系有一啲龙虾汁嘅嘢系隔离畀我点，而且多士炸得都几脆，最紧要个红虾好鲜甜。
梁溪脆鳝： 其实呢个好似一条鳝鱼咁样，其实佢系用北菇整。 咁其实就是有少少酸酸味味而且都炸得几脆咁几适合一啲钟意食斋嘅人， 咁我觉得呢一个就炸得硬咗少少，味道都ok的。
干煸黑毛猪肉松芥兰： 黑毛猪肉几辣， 另外佢个芥兰亦都砌得好幼嫩几爽口。 其实两者都几夹 食完啲辣嘢再用芥兰清清地去咗啲辣味。
鲍鱼酥: 鲍鱼几好食，因为好有鲍鱼味， 虽然价钱系贵咗少少，但系我比较钟意一啲有手工嘅点心，佢个挞都整得唔错，啲肉都衬番个鲍鱼，钟意食鲍鱼嘅朋友可以试下， 细食嘅女士系几适合的。
青森苹果叉烧酥: 另一个必是嘅点心就系呢个叉烧酥，我自己都系觉得呢一个系需要嗌嘅， 因为叉烧酥整得唔错，通常叉烧酥都几肥但系呢一个皮做得有苹果味之余，而且比较干身啲，所以呢一个叉烧须我觉得系出面食都未试过有咁嘅质素。 另一个打卡呃like好选择。
凤梨樱花虾炒： 呢个炒饭用咗红菜头嚟染色， 用红菜头嚟整我觉得几健康， 菠萝亦都几鲜甜，另外值得赞嘅地方就系去炒饭炒得几干身，而且樱花虾亦都落得几多下， 我觉得呢一个炒饭其实都够三个人去食嘅 。 几好唔错几饱肚。
最后呢一间餐厅我自己觉得佢啲点心都几精细，而且味道亦都唔差，唯一要改进嘅地方就系我觉得如果佢啲茶会好快冻，所以佢啲热水应该要整得比较热啲，令到茶会更加好饮。
张贴
