泰潮 (嘉咸街) (已結業)

太潮真系中环人嘅恩物，除咗价钱平之外，份量超大，更重要嘅系米芝莲推荐嘅餐厅。呢度装修虽然系茶记嘅风格，但系可以睇得出系有放心思将港式风味放入去装修入面。我哋今晚就拣咗一个二人餐，价钱好抵只系$268 ，已经包左炒杂菜、冬阴功汤、海南鸡、白饭同埋油饭、咖喱虾、泰式甜品。个冬阴功汤系我近年饮过最正嘅冬阴功汤，味道系酸比辣多，味道好适合香港人。个汤仲要好足料，除左虾，仲有蘑菇、肉丸等等。个咖喱都系比较甜而不辣嘅，配饭一流。入边嘅虾超弹牙超滑，而且好离壳，就咁食系绝对冇困难。店主同埋侍应都非常之热情，虽然我哋今日比较迟先到，但系佢哋都依然热情招待我哋。要注意呢度夜晚收9点，想食就早啲嚟啦。