辣辣屋

营业中

休息中

这间店的前身一路都有食开，本身食物质素一向都有水准，转左名后都有食过几次，但印象中只能算是保持到水准无乜惊喜。好耐都食哩间，今日有野入联和墟顺便试下。本来都唔会再写食评，但今次觉得食物质素提升左，有惊喜，写返一篇留念先得。点左个罗宋汤通粉+鸡扒奄列+茶走/$46罗宋汤通，个汤好足料，竟然俾我食到两旧牛肉，而且味道是我喜爱既罗宋汤味，酸同辣好平衡，成碗食哂连啲汤都清埋。第一惊喜。鸡扒一向唔错，无乜好讲。奄列既蛋煎得老左少少，味道OK。以往只点过1次奶茶，因为印象中间店未改名前既奶茶一般，唔够佢既冻咖啡出名，所以黎开都系饮冻啡，不过今次因为早餐在第二度饮左杯难饮既奶茶，所以晏昼想饮多杯止痕，好彩无㨂错，杯奶茶打破左我对佢「咖啡好饮过奶茶」既印象。