影片
更多
2024-08-10
3042 浏览
近期少左出街食饭, 不过就算少左出街食都好, 依然会有机会体验到被餐厅职员恶待, 而且呢类型嘅餐厅仲有可能包埋价钱贵食物质素又差嘅特质, 可能呢个系香港嘅文化? 身为本地人有时都会比佢地吓亲更何况系游客呢。 不过写一篇食评都花唔少时间, 而且又要整理啲相, 如果唔系真系衰到极致我都唔抽时间写了, 最多自己black list唔好嘅餐厅下次唔再去!今次系我唔知几多个月无写食评之后再次写食评, 原因系呢间餐厅比到我一个舒适嘅环境, 食得好开心, 见到openrice上面有唔少人专登开个帐号黎留劣评比餐厅, 但一个中评或好评都无写过, 我就觉得如果人地做得好嘅话就唔好吝啬赞美。琴日因为约左朋友黎荃湾玩, 玩之前就医饱左个肚先, 可以坐耐啲倾耐啲所以事前为左专登拣左可以食好耐嘅餐厅我地一行四人黎到拣左四款汤底, 我就无试朋友嘅汤底, 自己拣左椰子汤, 椰香味重, 用黎煲南瓜好好味, 南瓜仲要系粉粉地嘅口感, 配埋椰子味真系好夹, 朋友试左之后系咁话要食我个煲椰子汤我唔单止钟意南瓜, 豆制品都系我超级钟意嘅食物, 煲左好多响铃搞到个汤油淋淋 但间唔中放肆下都ok嘅呢几个月有两次系其他餐厅打边
今次系我唔知几多个月无写食评之后再次写食评, 原因系呢间餐厅比到我一个舒适嘅环境, 食得好开心, 见到openrice上面有唔少人专登开个帐号黎留劣评比餐厅, 但一个中评或好评都无写过, 我就觉得如果人地做得好嘅话就唔好吝啬赞美。
琴日因为约左朋友黎荃湾玩, 玩之前就医饱左个肚先, 可以坐耐啲倾耐啲所以事前为左专登拣左可以食好耐嘅餐厅
我地一行四人黎到拣左四款汤底, 我就无试朋友嘅汤底, 自己拣左椰子汤, 椰香味重, 用黎煲南瓜好好味, 南瓜仲要系粉粉地嘅口感, 配埋椰子味真系好夹, 朋友试左之后系咁话要食我个煲椰子汤
蕃茄汤配椰子汤
254 浏览
0 赞好
0 留言
呢几个月有两次系其他餐厅打边炉嘅经验, 一间餐牌度写有响铃点知去到又无得嗌, 一间就系曾经去过一次有响铃但上一次无, 真系好失望
而且仲要两间都系岩岩开场就无 可能无入货
呢次黎别忘了我每次出去夹都有响铃, 而且唔系得返碎头碎尾, 真系夹得好开心, 食得好滋味
小食 配料
245 浏览
1 赞好
0 留言
蔬菜
1373 浏览
0 赞好
0 留言
蔬菜
459 浏览
0 赞好
0 留言
仲有即食炸物, 我就无食, 朋友们话ok
另外呢度嘅台式饮品系任嗌, 我一人饮左三杯, 味道唔可以话好好饮, 但我觉得同出面野饮舖个啲差唔多质素, 无乜特别甜品方面我试左豆花同鲜草芋圆, 真心唔推荐甜品, 个豆花系布甸口感仲有啲药材味, 芋圆较硬, 最后我继续煲南瓜当甜品 XD
我地食到饱饱最后唔记得左嗌雪糕, 好似话一人限嗌一份, 但唔紧要, 最紧要食得开心
服务方面不得不赞,亦系好大嘅原因令我要写返食评, 职员由带位, 侍应, 收银都好有礼貌同亲切, 基本上食到咁上下就会有专人黎主动加汤, 嗌嘅食物同饮品都上得快同埋大致黎得齐, 唯一漏左一款配料, 我地话比一位戴眼镜中等身材嘅男职员知后佢主动跟进, 过多一阵仲有黎问我地个配料有无到, 真系好抵赞
厨房职员我无见到佢地唔知佢地态度系点, 但以上菜速度同漏单率黎评嘅话都几肯定佢地做野都几妥当又快手
呢间餐厅已经入左我嘅喜爱名单, 下次有机会嘅话会再黎食过
面食
135 浏览
0 赞好
0 留言
张贴
