尚鮮海鮮料理 (已結業)

印象中长辈未试过外面食火锅，当然要拣一间好架啦，于是就来到呢一间尚鲜火锅海鲜料理一试。一上到去，店铺不算大，但难得地清静舒服，我地一家被安排到卡位，自成一阁，每set卡位又有部电视，可以一边食一边倾下电视经。一黎首先混酱! 侍应送上酱料盘，所以配料应有尽有，亦都整齐企理，呢 d 小 detail 可以见到店铺对客人既重视同态度。二人海皇套餐，剩系汤底己经系重头戏，有龙虾、大虾、大蚬、圣子及元贝，个汤滚一滚后，侍应叫我地先饮一饮汤，好好好好味，迟 d 落完火锅料后再饮真系不得了。Prime顶级牛颈脊，脂肪分布得好靓，牛肉味充足! 赞!蟹皇饺真系超级好味，一咬 d 汁多到呢... 加埋个汤底，剩系呢样己经值得再来帮衬了!桂花蚌及珊瑚蚌分量足够，又够爽口，好新鲜。最后加埋日本葛丝同菜，份量岩岩好。加点一客小食：百花酿油条，外面脆内面软，好有趣既口感。最后值得一赞既系店员服务态度真系好好，好有耐心解释，亦不时过来问有无需要同收走食完既碗碟。