富士山55 (拉麵沾麵專門店)

营业中

休息中

上星期日，同屋企人系科学馆睇完木乃伊，都已经两三点喇，一早去排队连早餐都未食，谂住快快趣去食啲野。尖东我唔熟路，好在老婆已前系度做过野，有好介绍。老婆见我之前系日本食沾面话好好食，咁佢就介绍依间系南洋大厦既富士山55拉面沾面专门店我喇。有拉面有沾面拣。我就拣咗特浓豚骨沾面喇！见到墙上面仲有海胆沾面，既哂钟意食海胆既朋友。等咗一阵就有得食既卖相都可以。枱前面有教到食沾面既步骤，第一次食沾面都唔惊无从入手，食度仲有个电磁炉系枱面，开头真系唔知有咩用，见到依张野就知道原来系用黎加热个汤既。钟意热辣辣既人就唔怕会冻咗个汤喇，不过今日个天气非常热，我就唔需要用喇。至于碗面面条够弹，有面应该有既面粉香味，汤既味道浓得黎唔太溜，又唔会太咸，不过啲叉烧就一般喇。