大滿喜日本料理 (已結業)

疫情底下喺观塘揾嘢食，易既就系唔使等位，难既就系佢冇开门😅。都明嘅，喺疫情底下冇人想咁😞。既然谂唔到食咩，就去食放题啦🤣。果然去到真系唔驶等之余仲要有位可以即刻入🤣，不过得两个人就真系食得唔多。以前写纸仔，依家变咗手机落单👍🏻，都几方便嘅。先来个刺身拼盘☺️，刺身够冻👍🏻，三文鱼有鱼味👍🏻(因为我之前食过系冻到冇味😰)，八爪鱼刚刚好，唔会熟到咬唔开👍🏻，虾刺身好鲜甜，真系好耐冇食过咁嘅质素嘅放题啦😍汤品，我推介👍🏻，因为我自己都饮咗两碗😅，花胶虫草煲鸡，好足料，而且系个煲入边真系见到有花胶架。一品料理，鳗鱼真系好好食，一口一件，热辣辣，烧到脆脆地，好香口，而且冇骨之余又好入味👍🏻真系唔知疫情关系，定系真系进步咗，依餐食得真系好满意。