小雨天 (葵涌廣場)

营业中

休息中

好耐无去过葵芳，今日去葵芳睇戏，睇戏之前顺便去葵广食好耐无食既「小雨天」。行开葵广既朋友仔对「小雨天」一定唔会陌生，个橙色既招牌绝对系signature。一如既往，今次去到都系坐满哂人，大家都系要背贴背咁坐🙈今次叫左蚝仔肉碎出前一丁加滑牛，基本上每次黎到小雨天自己都会叫依样，因为本身个面个汤已经算香浓，加埋蚝仔果种鲜味，个汤更加好饮。但系今次感觉上份量好似比以前少左，以前肉碎食极都好似仲有，但今次食左一阵就无晒lu，可能我太肚饿😂另外自己都中意加埋胡椒粉落个汤，感觉会更加香同会忍唔住饮晒个汤。