日悅極尚日式放題 (已結業)

朋友话好耐无食过放题，于是就拣咗呢间去试！原来呢度分三面，除左放题仲有得食韩烧同打边炉，又几得意！除左放题纸，佢出边有个自助吧都有几多选择，包括海鲜好似冻青口、翡翠螺咁，仲有冻豆腐、沙律等等嘅冷盘，种类都多同埋试左青口果d 都几好食！饮品柜几多选择仲有热饮𠮶啲！今次都系为咗食刺身而嚟，所以刺身一上就即刻好开心！三文鱼厚切得嚟唔会好筋、北海道带子大大粒、赤贝北寄贝好新鲜、虾都有三款选择，嚟得足之余味道又好，无得弹！火炙寿司又系要推介，火炙左口鱼入口即溶咁！三文鱼腩、鳗鱼同带子都好出名，应该系即点即整，好有水准！除左刺身同寿司，串烧都系买飞佛，串烧牛舌不得了，食几串都回本！仲有我至爱嘅多春鱼同菠萝！朋友钟意食虾钟意到一个点，食完刺身都唔够喉，仲要叫埋串烧，不过串烧水准都高，全部都大大只啖啖肉！熟食方面我推介鸡软骨，热辣辣够香口，朋友要左粒榴梿炸弹都话唔错！白酒煮蚬够入味，而且d 蚬都好大只！我地仲叫左个牛肉锅，都好足料！虽然饱到喊，但最尾点都要食埋杯雪糕先走，佢包一杯哈根大师或者movenpick 嘅雪糕，食完呢餐真系要减肥！