影片
更多
2019-01-11
596 浏览
因为太忙，好耐无写食评了！今晚约了朋友去睇颁奖典礼，所以安排吓食咩先！原本谂住去饮茶食点心的，但订唔到位就改食泰国菜，于是上 openrice 订位。订左4:15pm，餐厅座落于THE ONE，坐位设于店外和店内，商场人来人往，我哋都唔想坐在餐厅外的坐位，所以取位时问侍应有冇窗口位，她说暂时未有要等，等候期间我见窗口位有张4人枱未有客的，可能我哋得2人所以唔比得我哋，大约15分钟后还未有动静，我又问吓侍应系咪还未有枱，过了片刻就带我哋入坐刚才那张4人枱，但要6:00结帐，因有客人订了位，现在才4㸃几，时间尚早当然无问题啦。两个人叫些小食再炒碟粉都应该够吧！先来个串烧沙嗲牛肉和鸡肉，朋友话近期猪瘟问题，唔想食猪，所以就无叫猪肉。两款肉质都稔唔鞋口，但沙嗲酱就稍为失色，香味和辣味都唔够，所以令到串烧唔够惹味和香口。串烧墨鱼丸都算爽口的，由于酱汁是串烧的灵魂，却因沙嗲酱味道稍逊色，墨鱼丸只能是平平无奇的味道。泰式炒粉，朋友说是此店的名菜，于是就㸃来试吓，卖相普通，份量觉得有D少，虾同粉似是各自分开炒再并在一起，唔够热辣辣，感觉有D唔够镬气，味道一般，并非想像中咁出色。海南鸡饭，因个炒粉份量少
今晚约了朋友去睇颁奖典礼，所以安排吓食咩先！原本谂住去饮茶食点心的，但订唔到位就改食泰国菜，于是上 openrice 订位。
订左4:15pm，餐厅座落于THE ONE，坐位设于店外和店内，商场人来人往，我哋都唔想坐在餐厅外的坐位，所以取位时问侍应有冇窗口位，她说暂时未有要等，等候期间我见窗口位有张4人枱未有客的，可能我哋得2人所以唔比得我哋，大约15分钟后还未有动静，我又问吓侍应系咪还未有枱，过了片刻就带我哋入坐刚才那张4人枱，但要6:00结帐，因有客人订了位，现在才4㸃几，时间尚早当然无问题啦。
两个人叫些小食再炒碟粉都应该够吧！
先来个串烧沙嗲牛肉和鸡肉，朋友话近期猪瘟问题，唔想食猪，所以就无叫猪肉。
两款肉质都稔唔鞋口，但沙嗲酱就稍为失色，香味和辣味都唔够，所以令到串烧唔够惹味和香口。
串烧墨鱼丸都算爽口的，由于酱汁是串烧的灵魂，却因沙嗲酱味道稍逊色，墨鱼丸只能是平平无奇的味道。
泰式炒粉，朋友说是此店的名菜，于是就㸃来试吓，卖相普通，份量觉得有D少，虾同粉似是各自分开炒再并在一起，唔够热辣辣，感觉有D唔够镬气，味道一般，并非想像中咁出色。
海南鸡饭，因个炒粉份量少唔够饱，于是叫多个饭，个饭闻到有淡淡的椰香味，鸡件几滑，都尚算好味。
这个是套餐连餐汤的，但上菜时无比我哋，我哋就问系咪有个汤，侍应说是就行开了，我哋再问另一位侍应，她说:送完就无，我好忙唔得闲睇仲有无汤！我哋再问另一位侍应，终于肯跟进有汤了，是碗萝卜汤，匆匆饮埋结帐。
今晚餐饭在尖沙咀区来说收费唔算太贵，可接受，但食物质素平平，服务质素需有待改善，不知是否舖租昂贵，餐厅将价就货而影响质量。
其实我哋都几钟意食泰国菜，喜欢它的特色和风味，希望此店能提升食物质素，否则好难吸引我哋再来光顾㗎！
张贴
