茶木‧台式休閒餐廳 (青衣城1)

营业中

休息中

茶木可以话系我嘅中学回忆，以前成班同学仔有咩大日子先至会去茶木share一个蜂蜜多士。难得呢间新开嘅梗系要去下啦。虽然过咗晚饭时间大约9:00但茶木门外依然有条人龙排紧队入座。等左大约15分钟终于入到去，落左单之后都等左一阵先至上菜。朋友叫咗个冷面而我就叫咗鸡扒面，用嚟捞面𠮶个芝麻酱有少少奇怪，可能系因为我食惯咗吉野家𠮶个，唔系好惯呢一个。而我个鸡扒就系新鲜炸起嘅，好脆好好味，份量都好足够，而个面个汤都好浓好够味。另外我哋仲带咗个甘梅炸蕃薯条食得出系即叫即炸好热好脆，但系个粉略嫌唔够多，亦都唔够浓味，番薯味都冇乜，所以都系留返下次去台湾再食。系中学回忆啊！依然系咁好味，中间嘅蜜糖多士点啲雪糕一齐食，简直冇得弹。