肯德基家鄉雞 (KFC)

营业中

休息中

好耐无写食评，新春期间咁得闲又写下啦，最近kfc畀老麦个麦炸鸡㩒住嚟打，见佢咁惨咁我就帮衬下佢啦，其实kfc转型后用年轻有型嘅上校做宣传，又有上次劲搞笑嘅母亲节广告，已经赢返唔少客，但无奈作为一间快餐店佢又真系唔够快，买野到出餐下下都等咁耐，耐得黎啲鸡又炸定好耐，真系点解呢？叫左份上校盛盒，39蚊有三件鸡同一杯汽水，价钱真系超平，人地老麦四十几蚊先得两件鸡，不过有薯条咁啰，讲返kfc啲鸡，好好彩我呢份巴辣鸡唔系太辣太咸，仲新鲜炸起不久，个皮脆啲鸡肉仲有汁，难得咁好食，不过呢，一个人食三件鸡真系几漏，下次都系食返两件鸡算喇。除左炸鸡餐，桶饭餐都系常叫嘅，但佢最近无左蘑菇饭加鸡粒果个餐，变左鸳鸯汁饭无左鸡粒，黎kfc无食炸鸡梗系差啲，咁就改叫蘑菇饭加炸鸡扒，好似系33蚊？价钱黎讲都系平嘅，但个桶细左，变相加价……块炸鸡扒干左啲，今次预唔到佢新出炉，无计。唔要求高其实都几好味吖，进步左可以唔要汽水改绿茶，冬天真系唔想饮汽水㗎嘛。