Pepper Lunch (已結業)

上一次食pepper lunch 已经唔记得系几时，起码都有两年。🤔今次食返都可以话系无令我失望。好牛嘅男友拣咗煎蛋双汉堡餐，而我就拣咗芝士黑椒咖哩鸡肉。热辣辣上台嘅汉堡扒，未食已经俾啲香味吸引。结果就系啲衫会吸晒啲味道。🙊🤦🏻‍♀️🤦🏻‍♂️汉堡扒加咗洋葱，肉质几嫩，唔会太干尼个鸡肉饭一来到就要即刻炒，唔系会好快有饭焦。因为见有芝士所以先拣尼个，不过咖哩嘅味道，有点带苦。可能因为我隔咗一阵先炒？后尾先记得餐牌上可以加钱加芝士，早知就点无咖哩嘅再另加芝士。😅但啲鸡肉几好味，够嫩，调味都唔错。价钱方面唔算经济，本身都无包饮品。要另加$15就可以包埋饮品＆沙律或雪糕。雪糕系普通软雪糕，味道可选择焦糖、朱古力或芝麻。当系饭后甜点都唔错。