必勝客 (已結業)

星期日，１３／１１晚七点几，我地去左买外卖番屋企食，因为自取有九折，等左十五分钟ｊａ。我地叫左个＄１４９餐，加左十蚊要焗鸡翼（原味）。九折左都成＄１４０蚊，唔平架。因为个ｐｉｚｚａ好细，得普通ｓｉｚｅ。我地要左至尊松厚批ｐｉｚｚａ、焗鸡翼（原味）、两客忌廉汤同埋葡汁焗鸡皇意粉。份量唔多够三个人，所以我觉得贵，我地后尾自己系屋企食沙律ja，唔系边够饱呢？两个男仔加一个女仔食，仲要d男仔唔系好大食。同埋佢个餐咩都要加钱，芝心批又要加十蚊，要阔条面又要加十蚊，所以我地都无加到。加哂个餐咪好贵，好唔抵啰。不过两位姐姐好有礼貌，解释得好清楚，因为佢有好多餐，唔知点叫好，写得又唔够清楚。不过咁耐无食，咪试下啦。因为想系屋企食。仲有呀，呢个餐仲要系自己拎先$140ja，如果送埋返屋企就有一百六十蚊架啦。因为有左fat angelo's，我地都好耐无食必胜客了，我觉得意粉屋仲好食过佢啦。