新和富餐廳菜館 (已結業)

星期六，12/11晚八点半，去完影相，系太子行完街，三个人黎呢度开餐。叫左白饭鱼煎蛋、什菜煲、细0既笼仔乳龙虾蒸饭同埋砵酒焗蚝。样样都唔错，系白饭鱼煎蛋失左手，无味(我地怀疑佢唔记得落盐，系一ｄ味都无，同埋油左ｄ）。细0既笼仔乳龙虾蒸饭几好食，但唔好期望有好多”食送”，而且等左好耐先黎，系差唔多食哂所有野先黎，超耐．太慢啦，想”送”饭都唔得。砵酒焗蚝几好，但得好少，只有五只，唔够喉，七十蚊几贵。什菜煲都系咁上下啦，我谂好难煮得难食。ｄ位唔系几好坐，都几迫，我成日要起身行开让隔离台ｄ人行同走，好唔方便。侍应仲试过拎”送”过隔离台时倒泻左ｄ豉油鸡汁落我地度，一ｄ表示都无。搅到我地”哩”咁”ｈａｉｒ”。会再黎０既，想试下其他野。