Bouillon

营业中

休息中

听闻呢间法国餐厅好出色，想食好耐。其实佢唔算难book，基本上星期五比较难book之外Weekday其他日子都OK！我星期二book咗八点但系七点三就已经到咗，谂住搏一搏有冇人取消我可以早啲到，点知佢真系full house,我哋拣咗坐最埋边嘅吧枱，其实除咗最埋便嘅吧枱之外其他吧枱位都坐得唔系几舒服。Menu大部份都系法文有啲英文解释，其实我睇完都唔知道系咩嚟，所以我索性开佢哋个Instagram然后指住啲菜嚟嗌。叫咗个牛骨髓，两个人食嚟讲已经好大份，因为真系好肥腻、好油、我夹埋啲面包食已经食到好饱。跟住嚟咗个焗螺肉，啲汁好好味，个螺肉焗得有少少浓所以都好香，啲汁送埋面包又系一流。以为净系嗌咗两个前菜，一个主菜会唔够饱，点知个主菜系个煎鹅肝加牛肉又系好腻一碟菜。佢嘅伴菜有焗香咗嘅栗子好好味，好有惊喜嘅伴菜，应该话佢系啲细节位都有摆心机。个薯条冇乜特别纯粹系钟意食薯条呢个系热情果cream brûlée, 佢系偏酸特别又滑身。可以平衡返之前几碟𩠌嘅油腻感， $88来讲我觉得价钱非常合理。我一食完第一次就已经book定七月尾再食多次，因为有太多野想试但系太饱唔可以一次过试唔到咁多。