Burgeroom (Fashion Walk)

营业中

休息中

下昼四点几嚟到冇乜人，不过因为我一个人，店员亦安排我去坐角落嘅细枱，而且佢地态度极为冷淡，唔通香港嘅好食食店都向紧澳牛学习？遇正Happy Hour，叫咗杯酒，加上芝士旋风薯条，同烟肉芝士堡。薯条先上。基本上系Twister Fries加上芝士。炸得好通透，份量不少，而且油感甚重，肥死！个堡亦非常大个。餐店好细心咗将佢切开咗一半，否则真系好难食。我自己当然用手食，一大啖一大啖咁咬落去。抬头赫然见到门口有个外国男生用刀叉分解个堡嚟食，得罪讲句：此君实不个汉堡为何物！汉堡嘅灵魂在于其牛肉，呢度嘅肉厚而多汁，亦多油，肉香算系足够，但系如果佢可以唔将成块牛煎到熟晒，留番少少鲜肉味会更加好。一啖啖咬落去佢都会不断流油爆汁，令人食欲大增。我呢个堡有Bacon，一般质素，如果佢将bacon煎得脆啲会更好。个堡由于太多汁(佢汉堡汁亦加咗唔少)，大家最好趁佢一上枱就解决咗佢，否则啲汁会令到块包湿晒变烂变散，到时真系要用刀叉分解食。总结：牛肉堡质素甚高，不过仲有改善空间。整体而言，算系非常吸引嘅一个汉堡食点。