嗦爸螺螄粉

营业中

休息中

螺丝粉系唔系起源于广西柳州我就唔知，不过应该唔系喺汕头….. 或者元朗阁？不过我净系知道螺丝粉越臭，就越好味。最好离开几条街都闻到就最正啦。呢间 嗦爸 嘅装修真系打破咗好多祖国嘅想像空间，光猛干净，线条前卫。听讲佢啲猪骨汤配料好多，先饮为敬。萝卜干炸腐竹酸笋花生腐皮笋丝木耳…. 差唔多成间杂货铺摆晒上去。武林一绝就系佢哋嘅炸蛋。香口邪恶，但系咬落空气感强，富有蛋味道。唔好睇佢大大个，睇落真系好大个，食完好似食咗空气咁。唔怕热气嘅，可以一人食一个。就系因为佢哋嘅空气炸蛋，造就咗留肚食埋佢哋嘅招牌猪手。又系皮脆到不得了，但系又唔系觉得好油腻，满满嘅骨胶原，附带嘅甜醋，回味无穷。佢哋嘅串烧炸物，都好香口，用料都唔错。