KC Cafe (已結業)

终于第二次黎KCcafe😭，今次同男朋友过黎，个日系闲日比较少人，有机会同到卡比同熊大影相😭（上次黎比人逼住晒）。我都系点左上次嘅紫薯latte $32一试返唔到转头😋😋。男朋友就点左薄荷朱古力沙冰 $38无沙冰嘅感觉，试左一啖觉得系满口牙膏嘅味道😂就无再试。今次仲试左包，芝味四重奏墨汁意大利包 $43其实几好味嘅，好啱啲芝士爱好者，如果唔系超级喜欢嘅真系会觉得有啲腻，因为除左芝士都系得芝士，如果加啲火腿粒我觉得会好啲，因为腻到我食唔晒成件🤔🤔仲有泡菜呑拿鱼紫菜饭 $37我觉得正过火腿烟肉，无咁干身，少饭多𩠌👍🏻👍🏻最后加多张大合照，无去一个月都无，就多左好多新公仔喇😆😆