Quattro's Kitchen (已結業)

睇完戏之后终于有充裕嘅时间，叹番个晚饭。喺吉之岛见到呢间西餐厅一直都好想食,次次走马看花，行完街大袋小袋赶住走。今日见到佢有个二人餐原价$838 ，优惠价$588，所以试下。🌟龙虾汤🌟汤汁颜色呈啡红色，味道香浓，龙虾嘅鲜味浓缩再浓缩，新鲜嘅大虾特别鲜甜弹牙，配埋热辣辣外脆内软嘅面包，好味😋😋🌟巴马火腿沙律🌟巴马火腿质感柔软，口感细致，味道甘甜芳香带有轻轻嘅咸味，搭配埋水牛芝士、火箭菜。芝士比较软身，味道浓郁，带点奶味。满满嘅火箭菜入口有阵阵嘅芝麻嘅香味，仲有回甘嘅香气。沙律有少少酸甜味，配埋黑醋👍👍👍🌟牛扒香草味蒜蓉🌟巨人安格斯肉眼有成550gm, 认真大块，二人份量好足，仲有炸紫薯片，同埋薯菜。肉眼肉质厚实，刚刚好七成熟，肉色带一点粉红粉红，脂肪比例均匀，牛味浓郁，有咬口，味道丰富。