阿銀冰室 (已結業)

一直想试好耐，本身整栋建筑物已经好吸引，充满怀旧feel，依间冰室嘅菜式亦都配合主题，未入座时亦可到对面间怀旧文具店重温下以前儿时时代嘅回忆。冰室店内装潢精致，充满怀旧feel，座位亦舒适，餐点款式亦算多，可以按自己喜好选择。我拣左个茶餐：阿银炒一丁、热鸳鸯、另加花生酱厚多士，全单只系$47，非常经济实惠。炒一丁即系一般瑞士汁炒丁，味道ok，唔会太咸；鸳鸯同粒粒花生酱多士依个组合很般配，鸳鸯茶味较浓，啡味淡，但可接受，厚多士其实都唔系太厚，味道可以。值得一赞嘅系服务态度，真心想嘉许依啲有礼貌员工，无论系门口收银姐姐定系落单嘅姐姐都好好礼貌，依家啲咁好嘅服务态度真系好难揾。