影片
更多
2019-05-10
86 浏览
如果你自问系一个「好蛏」之人，你就唔可以错过蒲田了，因为莆田系以食蛏子出名，我作为一个「好蛏」之人，当然要去朝圣啦！先赞下蒲田坐位一个贴心安排先，就系枱下预备咗个篮俾客人装住客人随身物品，食紧野嘅时候就唔会顶住顶住，虽然只系一个好简单嘅篮，但唔系好多餐厅做到！言归正传，第一菜，先嚟啖汤润一润喉先：红菇鲜蛏汤，可能系红菇嘅原故，所以汤系呈淡红色，汤同蛏子嘅数量都足够2个人分量有余，主角蛏子只只都好肥美，汤系以蛏子煲成，所以汤非常之鲜甜！第二道菜系蒜蓉蒸蛏子，原本已经好鲜味嘅蛏子再配上蒜蓉，简直就系蒸鱼加美极豉油一样！即系点？劲夹啰！蒜蓉配好多海鲜都好夹，蛏子都唔例如～第三道菜系铁板盐焗蛏子，见佢系销量冠军，当然要order嚟试下，可以系铁板焗嘅关系，蛏子口感比较干身，有咬口，第一次食咁样嘅蛏子，几特别，值得一试。最后一道同蛏子有关嘅菜，亦系我觉得全晚最好味嘅菜 - 花雕蒸蛏子，未食之前已经嗅到好香，好重嘅花雕味，另外，佢嘅卖相都好讨好，一支支排放喺盅入面。入口除咗蛏子嘅鲜味，仲有花雕嘅香味，一绝。蒲田除咗蛏子好食之外，仲有其他小菜都唔错，例如当晚试过嘅荔枝咕噜肉、兴化炒米粉、莆田扁肉汤、
先赞下蒲田坐位一个贴心安排先，就系枱下预备咗个篮俾客人装住客人随身物品，食紧野嘅时候就唔会顶住顶住，虽然只系一个好简单嘅篮，但唔系好多餐厅做到！
言归正传，第一菜，先嚟啖汤润一润喉先：红菇鲜蛏汤，可能系红菇嘅原故，所以汤系呈淡红色，汤同蛏子嘅数量都足够2个人分量有余，主角蛏子只只都好肥美，汤系以蛏子煲成，所以汤非常之鲜甜！
第二道菜系蒜蓉蒸蛏子，原本已经好鲜味嘅蛏子再配上蒜蓉，简直就系蒸鱼加美极豉油一样！即系点？劲夹啰！蒜蓉配好多海鲜都好夹，蛏子都唔例如～
第三道菜系铁板盐焗蛏子，见佢系销量冠军，当然要order嚟试下，可以系铁板焗嘅关系，蛏子口感比较干身，有咬口，第一次食咁样嘅蛏子，几特别，值得一试。
最后一道同蛏子有关嘅菜，亦系我觉得全晚最好味嘅菜 - 花雕蒸蛏子，未食之前已经嗅到好香，好重嘅花雕味，另外，佢嘅卖相都好讨好，一支支排放喺盅入面。入口除咗蛏子嘅鲜味，仲有花雕嘅香味，一绝。
蒲田除咗蛏子好食之外，仲有其他小菜都唔错，例如当晚试过嘅荔枝咕噜肉、兴化炒米粉、莆田扁肉汤、冰镇饱鱼等等。以蒲田嘅服务、食物、环境嚟讲 ，绝对值得我encore同介绍俾其他「好蛏」朋友。
4 浏览
0 赞好
0 留言
张贴
