龍莊

营业中

休息中

数天前同屋企人讨论出嚟食个晚饭，佢就钟意食中菜多啲，于是揾下鲗鱼涌一带有咩餐厅，揾到英皇道1001号8楼龙庄好似不错㖞，有我劲钟意食嘅蟹🦀仲有好多𩠌菜都好吸引，于是book咗食晚饭🫖龙蟹膳 $588————————————用成只肉蟹做两食，正到爆呀😍一道系上汤煮肉蟹，蟹嘅精华同上汤混合，又香又鲜甜。肉蟹好新鲜，煮过后肉质仍然饱满有弹性，真系啖啖肉！尤其食蟹钳嘅时候，一大条蟹肉抽到出嚟真系正到爆🥹上菜时已经夹咗壳，再附上手套同湿纸巾，咁就食得滋味啦！另一道系招牌蟹王煎肠粉，依道菜运用到中式点心嘅概念，都几有趣😆肠粉煎到香喷，捞埋蟹肉同浓稠嘅蟹王食，邪恶但好食😋大吟酿煮花蛤 $208————————————超大只花蛤，劲肥美呀，肉质新鲜弹牙，冇沙！挥发后嘅大吟酿令花蛤更凸显鲜甜味道，花蛤肉吸引晒啲汤底精华👍🏼意式醋香骨 $108————————————中意合壁，醋本身能起到增强食欲、促进消化嘅作用，酱汁喺一嚿嚿Spareribs表面收汁，非常入味，而且非常开胃，唔会觉得腻，依个意式醋带有天然嘅酸度，再加上蜜糖/蜜汁一齐煮，甜甜蜜蜜嘅味道，好特别👍🏼最后仲点咗木桶豆腐花食，真系超丰富嘅一餐！