Kew Space (已結業)

拣咗平日中午较晏嘅时间同男朋友去食Kew Space，去到餐厅净见到寥寥几个人，连我哋在内餐厅都只有四枱客。环境同座位都几舒服，加上人唔多，即刻冇咁大压力要食完赶住走。我哋坐低后嗌咗两个semi lunch buffet，跟set加咗主菜两份，一个系fettuccine carbonara，而另一个系pan fried salmon。眼见lunch buffet都黎到尾声，buffet枱上都净返唔多选择，量都得返好少，匆匆攞咗一碟嘅份量同一碗汤就准备开餐。坦白讲，呢个价钱都冇预计系好豪华buffet，正所谓冇期望就冇失望，buffet质素不过不失啦。值得一赞系佢嘅南瓜汤同沙律配料入面嘅长通粉，系几唔错。食到一半，我哋叫嘅主菜都上咗，试埋个卡邦尼阔条面，我觉得系几惊为天人，当然男朋友就话我系夸张咗，不过都觉得系好食嘅。三文鱼就一般，比buffet入面嘅三文鱼好食。略为失望嘅系以为有movenpick雪糕，点知原来转左另一个牌子，味道系:水加朱古力水。冇乜朱古力味又好稀嘅感觉，总之唔需要特别去试。总括而言，连加一每人约$220，都算一分钱一分货。餐厅环境舒适，顺路想喺湾仔揾间餐厅都可以一战