樂園

营业中

休息中

第一次食，期待已久🤩星期六朝早八点，熟食市场都算干净企理，冷气可以啦，全场得「乐园」开咁早，坐位好free style🤣我钟意🤣。可取嘅系沙嗲汁☺️可惜茶胆、咖啡完全系灾难！🤢🤮。鲜油咖央多($22)••••••系薄身多士，牛油同方包差不多厚度，望落几吸引嘅🤤以为咖央会好甜，点知配牛油食系香而不甜㖞，一路食一路滴油🤣唔错。辣菜脯肉碎煎蛋+沙嗲牛面($47)••••••主角出场！汤底都染哂橙黄色😍果然有明显花生香味，忍唔住饮多左几啖汤😂不过牛肉就柴左啲。面正常，唔会太淋。辣菜脯肉碎煎蛋又系正，菜脯咬落爽脆卜卜声😎。成碗面钠含量应该超哂标😂。红肠蛋面($23)••••••无野讲，红肠无煎过，少失望。❌❌茶走($20)❌❌❌❌鸳鸯($20)❌❌••••••哗！睇食评话啲茶差，估唔到系地狱级失望㖞😫好难相信咁离谱，比三合一好少少，奶茶薄身到水咁，好稀，炼奶嘅滑完全饮唔到。呢度无套餐，仲要廿蚊杯真系😑我无野好讲。byebye。