烏龍燒 (已結業)

月尾例饭局，朋友们话想食串烧，于是就系OpenRice book左白布街既乌龙烧。去到乌龙烧，首先就有点失望，佢地open既店面，遇上大热天，再加上热热既串烧，夏天的确有点难受。我预约左9点半，店家再一次令我失望，因为到左9点半，店家都未有枱俾我地，结果等到9点9左右先入座。我都明白，唔系俾钱食野就大哂，但既然接受得预约，就应该同上一枱交待要有还枱时间，我相信食客是能明白的。我地叫左二十款食物，依度唔逐一介绍喇。概括咁讲，串烧落左好多孜然粉、七味粉咁，盖过左食材原有既鲜味。烧蚝，扇贝，鲍鱼都一样，落左大量蒜蓉辣椒。俾人感觉好似想用d重味调味料冚过食材既唔新鲜/雪藏味。我真心觉得好食的，只有水果牛肋条同埋鸭舌。最后，佢哋连送既糖水都无上俾我地...我都系见好多好评先黎食，但食完之后觉得中伏。一黎因为采用左开放式设计，搅到好热。二黎调味太多太重。搅到我有点怀疑咁多好评是从哪里来...