那個ㄋㄚˋ ㄍㄜ˙ (埃華街) (已搬遷) 新店位置

一直以嚟同老公成日食，那个亦都曾经系我top3喜爱嘅餐厅，自觉都算系常客，但真心感觉到质素一直下降。由以前跟嘢饮、食物高质、份量足料、员工亲切，到宜家变咗饮品优惠减$10、品质退步、越嚟越细份、服务态度差。啲食物冇以前咁好食都算，杯饮品仲要减料，明明加咗$3要大杯，话咩常温就系会少一截，不嬲都系咁？我帮衬咁多次，话你知从来都唔系咁，我仲揾得返以前嘅相为证；同时亦都代表你哋嘅出品系冇standard。另外失望位系，啲饭又硬、卤肉又嚡、杯奶茶嘅粉条仲要有阵怪味⋯⋯商家有冇用心经营，顾客系真系感受得到。唔知系咩原因，可能转咗老板/转咗厨房/转咗楼面/开多咗分店/加紧控制成本？见佢系黄店，又咁好食，曾经仲帮佢打过好评，又介绍朋友去食，但觉得可惜宜家系越做越差。下决心唔再帮衬。