東哥點心籠仔蒸飯專門店 (已結業)

有位朋友好钟意打边炉，约我打边炉，我就发现除咗鸡煲打边炉之外，仲有一间日头专门食点心嘅餐厅，夜晚就摇身一变变成点心火锅店，一次过满足两个愿望里面有超过10几款任食点心款式，我见侧边嘅人都叫好多，不过今日又唔算特别想食好多，净系想食少少，仲可以拣有几多粒。咁就唔惊浪费食物！我哋就拣咗烧卖同埋凤爪，咸香十足都好入味。讲真火锅先，可以拣鸡煲，食完鸡煲先打边炉。不过今日朋友唔系太有兴趣食鸡煲，就直接拣咗胡椒猪肚鸡汤，味道好香，直接饮都好香浓。配料纸上面都有好多唔同款式，当然唔少得嗌猪同埋牛啦，牛就有顶级肩胛牛肉，花纹分布都可以。而西班牙豚肉方面都比较滑。仲有一款好特别系叫麻辣猪肉丸，个辣味都几香㗎，口感弹牙！当然仲叫咗唔少其他配料包括炸鱼皮、粟米、金菇、枝竹、蟹柳、娃娃菜等等，相当丰富呢！（其实有更加多值得食嘅嘢，不过我同朋友都钟意食啲平嘢，所以叫晒呢啲XD ）出面饮品区都有多款不同饮品，我最钟意就系无糖乌龙茶，朋友就系咁饮可乐。