頹飯 (已結業)

食咗一餐饭，间餐厅叫颓饭，但系嘢食一啲都唔颓废，价钱未必比得上其他外卖店咁平，但系质素有保证。餐厅原来有不少故事～黑椒牛仔骨饭$68牛仔骨啲肉比较松化，而且黑椒汁分量十足，可以要来送饭，或者点上牛仔骨亦可以，朋友个饭亦都可以加啲黑椒汁食更加香。每盒饭唔系剩系得饭同肉，仲有青瓜片同埋粟米令味道更为丰富。滑蛋葱粒炒虾仁饭$54（限量发售）啲蛋都算几滑，同埋分量好多， 夹住好多虾仁同埋葱粒，特别啲虾仁好爽口！加$10红豆冰加$10冻柠乐红豆冰真系几值得推荐，底下啲红豆分量十足之余仲煲得好琳，唔使点用力已经咬开。冻柠乐方面除咗普通嘅可乐仲可以拣Zero都冇问题。