茶墨 (已結業)

如果钟意饮嘢不妨帮衬下呢间黄店，佢喺度温地点都真系几方便，而且都好多位置可以坐，同埋长期都好多人～～饮品选择方面都多，但系我哋想试啲靓啲嘅打卡，就拣咗水墨风试吓先，啲味道都几特别。麻薯芝麻乌龙鲜奶茶$39呢个芝麻味都几香，乌龙味就比较清新，奶茶香味都算突出，而且佢下面有好多唔同嘅麻薯，口感烟韧令质感丰富得多。黑糖珍珠芒果鲜奶$39黑糖珍珠味道香甜，而且有咬口，芒果味道清新唔假，鲜奶味道甜甜地，整体配搭OK！清香柚子芝士蛋糕$28饮嘢通常都想食个蛋糕，呢度有几款蛋糕选择，我就拣咗柚子芝士蛋糕，芝士味道香浓，柚子令味道丰富而清新，下次都会再试吓其他！