黃記煌三汁燜鍋 (已結業)

今日约咗个旧同学出嚟聚旧，咁耐冇见梗系好多嘢倾，我哋拣咗去打边炉，同事介绍过尖沙咀黄记煌焖锅，好有质素，上到去地方非常宽敞，招呼都好周到。我哋拣选咗海鲜麻辣焖锅，食材好丰富，为数唔少嘅大大虎虾，爽甜麻辣 全只由头食到尾。红鱼柳同样鲜美，麻辣加幼嫩集一身。墨鱼仔都好滋味，满满麻辣香气，鱼质爽滑。另一个牛魔王焖锅配招牌咸鲜汁，佢个招牌咸鲜汁调配得非常出色，肉件牛香浓郁，肉质幼嫩，每一件都吸收住招牌咸鲜汁，不用多久已经给我俩把全部送进肚里，跟著放进上汤，牛柏叶，继续大快朵颐。一款凉拌鲍片海蜇头，杂菜配搭海蜇头，非常爽口 清新不油腻，鲍片软腍鲜甜。佢嘅甜品都几出色，芒果糯米糍，软绵绵，蜜蜜糯糯，内心芒果香甜。另一款多芒小丸子，满满一大碗，蜜香果肉，粒粒蜜糯糯小丸子，非常匹配。饮品都不遑多让，一杯粒粒芒果爽跟粒粒芒芦荟爽，都平分秋色，优质嘅食材之外加上师傅嘅手作，好难唔令人钟意佢。