影片
更多
2020-06-29
173 浏览
中上环素食打工仔的福音。作为中上环返工既打工仔，成日坐都已经好惨，加上成日大鱼大肥，有时候想减下肥，食下啲健康野，其实真系无乜几多选择，曾经我最钟意系PURE隔离既NOODFOOD，老实讲PURE真系一个HIGHEND沙律路线一个好好既选择，但今日介绍既松山素食系平价路线既最好选择，没有之一。是日谂唔到食乜好，黎到行过上环漫无目的咁行，见到一间超级多人排队既餐厅，个名叫做松山素食，个人觉得店名改得好好，一睇就知道系素食店，平时有食开沙律懒健康既我一睇到就俾佢吸引住左，素食都可以排队排到过隔离餐厅，好明显就系好店。作为foodie既我当然唔可以放过一间好店，立即加入一齐排队。人龙虽然好长，但系餐厅手脚一啲都唔慢，大概10分钟左右已经排到我了，餐厅有堂食位，但系人太多啦，餐厅位置又唔系特别多，系粥多僧少既情况下，我决定要外卖了。餐厅主打三送饭，系排队既时间就要睇开决定要食啲乜野，同埋一定要记清楚个号码，唔好好似我咁，我排队果时随便睇左一睇，结果，就真系叫错野，但神奇地系，叫错既野好好食，我极怀疑餐厅既野应该系样样都好高质，连我唔想食既野都可以食到津津有味，可想而知，其他野都唔会差得去边。首
是日谂唔到食乜好，黎到行过上环漫无目的咁行，见到一间超级多人排队既餐厅，个名叫做松山素食，个人觉得店名改得好好，一睇就知道系素食店，平时有食开沙律懒健康既我一睇到就俾佢吸引住左，素食都可以排队排到过隔离餐厅，好明显就系好店。作为foodie既我当然唔可以放过一间好店，立即加入一齐排队。
人龙虽然好长，但系餐厅手脚一啲都唔慢，大概10分钟左右已经排到我了，餐厅有堂食位，但系人太多啦，餐厅位置又唔系特别多，系粥多僧少既情况下，我决定要外卖了。餐厅主打三送饭，系排队既时间就要睇开决定要食啲乜野，同埋一定要记清楚个号码，唔好好似我咁，我排队果时随便睇左一睇，结果，就真系叫错野，但神奇地系，叫错既野好好食，我极怀疑餐厅既野应该系样样都好高质，连我唔想食既野都可以食到津津有味，可想而知，其他野都唔会差得去边。
首先，想介绍左我叫错既云耳秋葵先，云耳好入味，微辣酸酸地，味道同花盛既前菜有得挥，真心推荐。秋葵方面，其实我好怕秋葵，一黎依种食材少见，两黎秋葵味个人有少少怕，但出奇地，餐厅将秋葵处理得好好，淡淡既秋葵味唔会太出，但食落有少少秋葵香，成件事好好味，超夹！送饭一流再加上啲送都系偏多汁，真系好正！
之后我仲叫左蕃茄素蛋同椒酱素肉，蕃茄蛋我相信唔洗太多笔墨先介绍啦，依个食材本身好易处理个组合又好味，餐厅调味又一流，真系唔知有乜可以挑剔啦。椒酱素肉既调味都系非常出色，其实餐厅其中一样做得好好既地方就系调味，好味得黎唔会太浓，难怪咁多人排队，但不得不提既系，素午餐肉，素午餐肉无论系口感同味道都同真既午餐肉一模一样，老实讲，唔系餐厅讲明，我真系会以为佢系真肉，如果有机会，我真系觉得依个系必试推荐。
除左主食之外，我仲叫左一个腊八粥，８蚊，无睇错，真系８蚊，中上环依个价我真系第一次见！腊八粥其实就系用唔同既豆煮成既粥，讲真，香港地你买个白粥都唔止８蚊啦，仲要超足料既豆，真系超抵，信我既８蚊加一个啦，超正！保证唔会后悔。我食到既有山药，红豆，黄豆，绿豆，芋头，仲有更多更多，不能尽录。真心好正又好抵食！
随餐仲有一个汤送返，好味又大份，重点系咁多野食，又健康又足料又好味，加埋先42蚊，唔止系素食者恩物，更加系穷人恩物，哈哈你知道啦月尾。
张贴
